Sport

साढे ४ वर्षपछि दशरथ रंगशालामा नेपालको पहिलो अन्तर्राष्ट्रिय खेल

काठमाडौं –२०७२ को विनाशकारी भुकम्पले क्षतविक्षत पारेको नेपालको एकमात्रै अन्तर्राष्ट्रिय स्तरको दशरथ रंगशालामा अहिले १३ औं दक्षिण एसियाली खेलकुद (साग) का खेल भइरहेका छन् ।

सोमबार साढे ४ वर्षपछि दशरथ रंगशालामा पहिलो अन्तर्राष्ट्रिय खेल भएको हो । भुटान र बंगलादेशले खेल्दै शुरु भएपनि नेपाल भने मंगलबार दिउँसोमात्रै खेल्नेछ ।
भुकम्पपछिको पुननिर्माण पश्चात नेपाल दशरथ रंगशालामा आज भुटानविरुद्ध खेल्नेछ । दिउँसो १ बजे हुने खेलमा नेपाली टोली उत्साहका साथ मैदान उत्रिने प्रशिक्षक बाल गोपाल महर्जनले बताए ।

‘लामोसमय पछि दशरथ रंगशालामा खेल्दै छौं । खेललाई लिएर खेलाडीहरु उत्साहित छन्,’ प्रशिक्षक महर्जनले भने,‘२० बर्ष पछि घरेलु मैदानमा फर्किएको सागमा स्वर्ण पदक जित्ने लक्ष्यसहित मैदान उत्रिने छौं ।’

सोमबार भएको भुटानको पहिलो खेलमा बंगलादेशलाई पराजित गर्दै उसले सागमा सुखद् सुरुवात गरिसकेको छ । बंगलादेश भुटानभन्दा माथिल्लो स्तरको टिम हो । तर, भुटानका कप्तानको गोलमा बंगलादेश पराजित हुन पुग्यो ।

भुटानका प्रशिक्षकले आइतबार भएको प्रि म्याच कन्फ्रेन्समा आफुहरु ‘अन्डरडग’ रहेको बताएका थिए । त्यहिँ अनुसार आफ्नो तयारी रहेको बताएका भुटानी प्रशिक्षकले हात पारेको बंगलादेशमाथिको जित धेरैका लागि अनपेक्षित थियो ।
प्रशिक्षक महर्जनले नेपाल भुटानविरुद्ध अट्याकिङ खेल्ने बताएका छन् ।

Related Articles

Back to top button
Close