News

सिलिण्डर ल्याउँदा/लैजाँदा नगुडाऔँ, भान्सामा सधैँ ठाडाे बनाएर राखाैँ : निगम

काठमाण्डाै – खाना पकाउने (एलपी) ग्यासको प्रयोग गर्दा विषेश सावधानी अपनाउन नेपाल आयल निगमले आग्रह गरेको छ ।

अत्यन्तै प्रज्वलनशील एलपी ग्यासको प्रयोग गर्दा चुहावट र दुर्घटनाको जोखिम हुने भएकाले विशेषा सतर्कता अपनाउन निगमले आग्रह गरेको हो । सिलिण्डर ल्याउँदा/लैजाँदा नगुडाउन र भान्सामा राख्दा सधैँ ठाडो बनाएर राख्न निगमले आग्रह गरेको छ ।

सिलिन्डर सुताएर अथवा घोप्टाएर प्रयोग गर्दा ग्यास चुहिएर आगलागी हुन सक्ने भन्दै सधैँ ठाडो बनाएर राख्नुपर्ने निगमले बताएको छ । यस्तै रेगुलेटर, पाइप र चुलो गुणस्तरयुक्त मात्रै प्रयोग गर्न र हरेक दुई वर्षमा ग्यासको पाइप फेर्न र खाना पकाइसकेपछि रेगुलेटर बन्द गर्न, खाना पकाउँदा झ्यालढोका खोल्न, बाहिर सुतीको कपडा लगाउन पनि निगमले सचेत गराएको छ ।

ग्यास चुहिएको शंका लागेमा, ग्यासको गन्ध आएमा पहिला रेगुलेटर र त्यसपछि चुल्हो बन्द गर्ने, सलाई, लाइटर, धुप, आदि नबाल्न र रेगुलेटरलाई सिलिण्डरबाट छुटाएर सिलिण्डरमा सेफ्टी क्याप लगाइ बाहिर खुला ठाउँमा राख्न निगमले सुझाएकाे छ ।

ग्यासमा कुनै समस्या देखिएका तत्काल नजिकका ग्यास बिक्रेता अथवा ग्यास उद्योगमा सम्पर्क गर्न पनि निगमले आग्रह गरेको छ ।

Related Articles

Back to top button
Close