Sport

जर्मन क्लब बायन म्युनिखले दियो नेपाली प्रशंसकलाई धन्यवाद

काठमाडौं– जर्मन फुटबल क्लब बायन म्युनिखले नेपाली समर्थकलाई धन्यवाद ज्ञापन गरेको छ ।

जर्मन फुटबल लिग बुन्डेस लिगाको शीर्ष क्लव बायनले आफ्नो फेसबुक पेजमा आइतबार नेपाली प्रशंसकलाई वर्ष २०१९ मा गरेको समर्थनका लागि धन्यवाद ज्ञापन गरेको हो ।

२९ पटक लिग उपाधि जितेको वायन यस वर्ष भने लिगमा तेस्रो स्थानमा छ ।

क्लबले आफ्ना मूख्य स्ट्राइकर रोबर्ट लेवेन्डस्कीको तस्बिरसँगै नेपालको झन्डाको तस्विर पनि प्रयोग गरेको छ। क्लबले नेपाली भाषामा तस्बिरमा लेखिएको ‘धन्यवाद’ सही भए नभएको पनि सोधेको छ ।

पेजमा थुप्रै नेपाली प्रशंसकले क्लबलाई यसका लागि धन्यवाद भनेका छन् । बायनको फेसबुक पेजलाई झन्डै ५ करोडले फलो गर्छन्।

जर्मनीका थोमस मुलर, पोल्यान्डका लेवेन्डस्की, ब्राजिलका फिलिपे कौटिन्हो तथा जर्मन गोलकिपर म्यानुअल नोयजस्ता चर्चित खेलाडीका कारण बायनका नेपालमा ठूलो संख्यामा प्रशंसक छन् ।

Related Articles

Back to top button
Close