News

मेची पुलमा एकैपटक फहराइयो १७ वटा राष्ट्रिय झन्डा

नेपाल-भारतको सीमावर्ती नाका भद्रपुरस्थित मेची पुलभरि राष्ट्रिय झन्डा फहराइएको छ। बढ्दो सीमा अतिक्रमणसँगै नेपाल भ्रमण वर्ष सन् २०२० लाई मध्यनजर गरी भद्रपुर नगरपालिका-५ नम्बर वडा कार्यालयले दोस्रो संस्करणको मेची रिर्भर साइड ‘बिच’ भलिबल सन्दर्भ पारेर मेची पुलमा शुक्रबार एकै पटक १७ स्थानमा राष्ट्रिय झन्डा फहराइएको हो।

मेची पुलको १७ वटा पिलरमा १७ वटा राष्ट्रिय झन्डा फहराइपछि पुलभरि देशको राष्ट्रियता झल्किएको छ। पुलमा राष्ट्रिय झन्डा फहराएपछि पुलमा आवतजावत गर्ने व्यक्तिले झन्डा देखिने गरी फोटो खिचाउँदै प्रशंसा गर्न थालेको समेत पाइयो।

यसअघि मेची पुलको नेपालतर्फको पश्चिम प्रवेशद्वारमा संविधान दिवसको अवसरमा ५ मिटरको राष्ट्रिय झन्डा फहराइएको थियो। पश्चिम प्रवेशद्वारमा नभई पूर्वद्वार सो राष्ट्रिय झन्डा राख्नु पर्ने नगरवासीले बताउँदै आएका छन्।

Related Articles

Back to top button
Close