News

साम्राज्ञीको फेरि यस्तो तस्वीर सार्वजनिक, चर्चा बटुल्ने काइदा

काठमाडौं– केही दिन यता साम्राज्ञी राज्यलक्ष्मी शाह तस्वीरका कारण चर्चासँगै विवादमा तानिएकी छिन् । उनका एक पछि अर्को अन्तरंग मस्तीका तस्वीर सार्वजनिक भएसँगै उनी विवादमा तानिएकी हुन् ।

विदा मनाउन इन्डोनेसियाको बाली पुगेकी उनले पहिले सामाजिक सञ्जाल फेसबुकमा आफ्नो एकल तस्वीरहरु पोस्ट गरिन् । विकिनी अवतारमा प्रस्ततु ती तस्वीहरु एकाएक भाइरल बने । सामाजिक सञ्जालमा प्रायः बिकिनी अवतारमा प्रस्तुत भइरहने साम्राज्ञीका बालीको तस्वीर केही पृथक थिए । मिडियाहरुका लागि ती मसाला बने ।

ती तस्वीर भाइरल बनिरहेका बेला उनका प्रेमीसँग मस्ती गरेका अरु केही तस्वीर सार्वजनिक भए । ती तस्विरहरु उनले आफ्नो फेसबुकमा सार्वजनिक नगरे पनि मिडियामाझ आए । यी तस्वीरले उनीमाथि दर्शकको हेर्न दृष्टिमा केही फरकपन देखियो । त्यही तस्वीरलाई लिएर उनको चर्चा भन्दा बढी आलोचना भइरहेका बेला पुनः उनका केही तस्वीर सार्वजनिक भएका छन् ।

अहिले सार्वजनिक भएको तस्वीरमा उनी प्रेमीसँग केही ड्रिङ्क्स गर्दै स्वीमिङ कस्टुममै देखिएकी छिन् । हालै साम्राज्ञी आफ्ना प्रेमी देवांकस राणासँग इन्डोनेसियाको बालीमा रमाइरहेकी छिन् । एकपछि अर्को गरी यस्ता तस्वीर सार्वजनिक भएपछि उनले सुनियोजित रुपमा चर्चा बटुल्ने काइदा अपनाएको चलचित्र वृत्तमा चर्चा चल्न थालेको छ ।

त्यसो त केही समयअघि मंयक खड्कासँग प्रेमसम्बन्धमा रहेकी साम्राज्ञी उनीसँगको ब्रेकअपपछि नेपाल उद्योग वाणिज्य महासंघकी अध्यक्ष भवानी राणाका छोरा देवांकस राणासँग रमाइरहेकी छिन् । केही वर्षयता साम्राज्ञी एकपछि अर्को गर्दै विवादमा तानिएकी छिन् । आजभोलि उनका फिल्मको चर्चा कम र व्यक्तिगत जीवनको चर्चा ज्यादा हुन थालेको छ ।

Related Articles

Back to top button
Close