News

‘साग’ मा पुरूषलाई पुरुषलाई पछि पार्दै इतिहास रच्ने महिला मात्रै !

विश्वका धेरै मुलुकहरूमा जस्तै नेपालमा पनि अझै महिला र पुरुषबीच ठूलो बिभेदको अवस्था छ। सामाजिक,आर्थिक, शैक्षिक,राजनितिक,प्रसाशनिक, खेल लगायतका सबै क्षेत्रमा पुरूषको तुलनामा महिलाको पँहुच न्यून नै रहेकाे पाइन्छ ।

महिलालाई नेतृत्वमा स्थापित गराउनका लागि कानुनहरू बनेका छन् । ३३ प्रतिशत सहभागिताको कुरा पनि विस्तारै कार्यान्वयनको अवस्थामा छ । तर, राजनीतिक दलहरूमा समेत महिलाहरूको ३३ प्रतिशत सहभागिता भएको छैन ।

महिलाहरूले पनि अवसर पाए भने पुरुषले भन्दा राम्रो काम गरेर देखाउन सक्छन् भन्नेको एक उदाहरण हो- १३ औँ दक्षिण दक्षिण एसियाली खेलकुद (साग) । घरेलु मैदानमा भएको साग नेपालका लागि ऐतिहासिक मात्रै नभएर महिलाहरूले हामी पनि कम्जाेर छैनाैँ भनेर प्रमाणित गरिदिएका छन् ।

सागकाे एकै संस्करणमा ५१ स्वर्ण जित्दै नेपालले इतिहास रचेकाे छ । देशलाई ऐतिहासिक सफलता दिलाउन सबैभन्दा ठूलो भूमिका महिला खेलाडीहरूले गरेका छन् । १३ औं सागमा पुरूषकाे तुलनामा महिला खेलाडीको प्रदर्शन अब्बल देखिएको छ । महिला खेलाडीले ‘नसोचेको’ सफलता हात पारेका छन् ।

यसपालीकाे सागमा महिला खेलाडीले अपत्यारिलो प्रदर्शन गरेर धेरैलाई चकित बनाएको छ । ५१ स्वर्णमध्ये २९ स्वर्ण भने महिला खेलाडीहरूले जितेका छन् । यतिमात्र नभइ महिला नेपाली खेलाडीले एकपछि अर्को ऐतिहासिक उपलब्धि हासिल गरिरहेका छन् ।

Related Articles

Back to top button
Close