News

आइजिपीको गर्जन – को–को लाग्या छन्, सबै थाहा छ !

काठमाडौँ । प्रहरीमा चल्ने खेती पनि कस्ता हुन थाले भने, एउटापछि अर्को गर्दै ‘आइजिपी हट्दैछन्’ भनेर हल्ला गराउने । यसका लागि हेडक्वाटरभित्रैबाट ठूल्ठूला अफिसर सक्रिय भएको भनी आइजिपी सर्वेन्द्र खनालले केही दिनअघि पिसीसी बैठकमै भने – को–को लाग्या छन्, सबै थाहा छ ।’

बजारमा अब प्रहरीबारे आउने लागेको नयाँ फन्डा हो, ‘गुण्डा नाइके कुमार श्रेष्ठ (घैँटे दोहोरो भि डन्तमा मा रिएको नभएर प्रहरीको बल प्रयोगबा मा रिएको भनी राष्ट्रिय मानवअधिकार आयोगको ठहर ।’ घैँटे मा रिनुअघि मा रिएका अर्का गुन्डा नाइके दिनेश अधिकारी चरी बारेको कुरालाई ओझेमा पार्दै घैँटे प्रकरण उछाल्ने तयारी हुनुका पछाडिको कारण हो, आइजिपीविरुद्ध शक्तिकेन्द्रमा प्रभाव पार्नु । स्मरणीय छ, घैँटे मा रिँदा अहिलेका आइजी अपराध महाशाखाका प्रमुख थिए ।

यसअघि सर्लाहीमा मारिएका विप्लव नेतृत्वको नेकपा नेता कुमार पौडेलको मुठभेडमा नभइ प्रहरीको बल प्रयोगबाट मृ त्यु भएको ठहरसहित मानवअवधिकार आयोगको रिपोर्ट अनुसार आइजिपी हट्ने हल्ला चल्यो । तर उनी हटेनन् । अख्तियारमा खरिद प्रकरणको उजुरी पर्यो, आइजिपी अब हट्छन् भन्ने हल्ला आयो ।

सामान्यता मानवअधिकार आयोगले कुनै संवेदशनशील विषयको अध्ययन गरेपछि त्यस्तो प्रतिवेदन राज्यका निश्चित निकायका पनि प्रमुख व्यक्तिलाई मात्र दिइन्छ, सार्वजनिक गरिदैन । तर, कुमार पौडेल घटनाको छानविन प्रतिवेदन हतार हतारमा बाहिर ल्याइँदा न त्यो प्रतिवेदन कार्यान्वयन हुनसक्यो न त्यो प्रतिवेदन हतारमा ल्याइनुको अर्को मक्सद नै पूरा भयो । आजको जनआस्था साप्ताहिकमा समाचार छ ।

Related Articles

Back to top button
Close