Health

सयमध्ये एक शिशु जन्मिँदै मुटुरोगी, गर्भअवस्थामा ख्याल गर्नुस् यी कुरा

मुटुरोग विभिन्न किसिमका हुन्छन् । नेपालमा खानपान र जीवनशैलीको परिवर्तनका कारण मुटुरोगका बिरामीहर बढेको पाइन्छ ।

त्यतिमात्रै होइन कतिपय बालबालिकाहरु जन्मजात मुटुरोगको समस्या दिएर पनि जन्मिएका हुन्छ । जसलाई चिकित्सकहरु जन्मजात मुटुरोग भन्ने गर्छन् ।

चिकित्सकहरुका अनुसार एकसयजना शिशुमध्ये एकजना शिशुमा जन्मजात मुटुरोगको समस्या हुन्छ । जन्मजात मुटुरोगको पनि विभिन्न कारणहरु छन् ।

जन्मजात मुटुरोगका कारण

–जेनेटिक कारण,

–गर्भवती आमामा हुने संक्रमण,

–गर्भवती आमामा विकिरणको प्रभाव परेमा,

–गर्भवस्थामा आमा अत्याधिक मोटो भएमा,

–गर्भअवस्थामा पोषणतत्वको कमी भएमा,

–उमेर बढी भएपछि शिशू जन्माउँदा,

–गर्भवती आमाले मदिरा सेवन गर्दा,

–गर्भवती महिलाले गर्भअवस्थामा कडा खालका औषधि सेवन गर्दा ।

जन्मजात मुटुरोगको लक्षण

–शिशु जन्मिदा निलो हुने,

–शिशुको तौल कम हुने,

–आमाको दूध चुस्न नसक्ने,

–उमेर बढ्दै जाँदा तौल नबढ्ने,

–रुगाखोकी तथा निमोनिया हुने ।

जन्मजात मुटुरोग लाग्न नदिन के गर्ने ?

–गर्भअवस्थामा आमाको पोषणमा ध्यान दिने,

–गर्भअवस्थामा मदिरा सेवन नगर्ने,

–पहिलो बच्चा ३० वर्षअघि नै जन्माउने,

–विकिरणहरुबाट बच्ने ।

Related Articles

Back to top button
Close