International

टिकटकमा चीनविरुद्ध सन्देश दिएपछि यी युवतीको चुलियो चर्चा

सामाजिक सञ्जाल टिकटकमा चीनविरोधी सन्देश दिएपछि एक युवतीको चर्चा भएको छ । फिरोजा अजीज नाम गरेकी युवतीले भिडियोमा शुरुमा मेकअप गर्न सिकाउँदै हुन्छिन् । पछि उनी राजनीतिक कुरा गर्न थाल्छिन् ।

उनले भिडियोको क्याप्सनमा लेखेकी छिन्, ‘हाइ गाइज, चीनको अवस्था के छ भनेर मैले एउटा भिडियो बनाइरहेकी छु ।’
उनले भिडियोमा चीन सरकारले मुसलमानहरुलाई कसरी थुनामा राखेको छ, यसबारेमा बोल्छिन् । ४० सेकेन्ट लामो उक्त क्लिपमा ती युवतीले चिनियाँ सरकारको विरोध गर्छिन् ।
साथै उनले थुनाकेन्द्रको समेत आलोचना गर्छिन् । उनले मुसलमान उइगुरुहरलाई थुनाकेन्द्रमा राखिएको विषयको विरोध समेत गर्छिन् ।

युवतीले भिडियोमार्फत थुनाकेन्द्र बनाएर मुसलमानहरुलाई राखिने र परिवारबाट छुट्टाइने गरेको आरोप लगाउँछिन् । बेइजिङले भने ती शिविरलाई व्यावसायिक तालिम केन्द्र भन्ने गरेको छ ।
पश्चिमा मुलुकहरुले भने चीनले उइगुर संस्कृति र इस्लामी अभ्यास मेटाउन खोलिएका सामूहिक थुनाकेन्द्र भएको बताएका छन् ।

यो भिडियो सामाजिक सञ्जालमा व्यापक भाइरल भएको छ । टिकटकमा मात्र भिडियो १५ लाखभन्दा बढीले हेरेका छन् । यो भिडियो सार्वजनिक भएपछि चिनियाँ कम्पनी टिकटकले अजिजलाई अस्थायी रुपमा प्रतिबन्ध समेत लगाएको थियो ।

Related Articles

Back to top button
Close