News

मन्जुले सुरु गरिन् कुखुरा व्यापार ! पहिलो कुखुरा १ हजारमा बेचेर गरिन् उद्घाटन (भिडियो सहित)

करिब ५ वर्ष पहिला अन्तर्जातीय बिबाह गरेर जिन्दगि देखि थकित भएकी मन्जु परियारको जिन्दगिमा अहिले खुसियाली छाएको छ । आजकाल कृषि कार्यमा ब्यस्त मन्जु अहिले प्रफुल्लित छिन् । आफ्नै श्रीमानबाट पि’डित भएकी मन्जुले जग्गा भाडा (लिज) मा लिएर कुखुरा व्यापारदेखि साग सब्जी उत्पादन गरिरहेकी छिन् । साथै, त्यसबाट भएको आम्दानीले उनले घर खर्च चलाईरहेकी छिन् ।

केहि समय अगाडी न्याय खोज्दै मिडियामा आएकी मन्जुलाई भेट्न र उनको अहिलेको अवस्थाको बारेमा जान्न हामी उनि बसेको डेरामा पुग्यौ । केही महिना अगाडी २ महिने सुत्केरी उनकी छोरी मुस्कान अहिले ११ महिनाकी भएकी छिन् । आफुभन्दा १९ बर्ष जेठोसँग बिबाह गरेकी मन्जुको केही समय अगाडी अवस्था निकै नाजुक रहेको थियो ।

आफुलाई खान त पराई जाओस बच्चालाई दुध किन्ने पैसा समेत उनीसँग थिएन । सुत्केरी अवस्थामा श्रीमानले छोडेर गएको बताएकी मन्जुको जीवनमा केही हदसम्म भएपनि दु:ख र पि’डा कम भएको छ। आज हामी उनको डेरामा पुग्दा खुशी देखिएकी मन्जुसँग गरिएको कुराकानी तलको भिडियोमा हेर्नुहोला ।

यो पनि पढ्नुस

२ वर्षअघि हिजो २०७४ फाल्गुन २८ गते त्रिभुवन अन्तर्राष्ट्रिय विमानस्थलमा यूएस बंगाल एयरलाइन्सको जहाज दु*र्घटनामा परी मृ*त्यु भएका परिवारलाई विपक्षीका अधिवक्ताले ध*म्की दिएको भन्दै उनीहरुले निस्पक्ष छानबिनको माग गरेका छन् । हिजो (मंगलबार) राजधानीमा पत्रकार सम्मेलन आयोजना गरी ७ वटा मृ*तकका परिवारले विपक्षीका अधिवक्ता देवेन्द्र प्रधानले पत्र लेखी ध*म्की दिएको भन्दै उनीहरुले निस्पक्ष छानबिनको माग गरेका हुन् ।

मृ*तकमध्ये ७ वटा परिवारले उचित क्षतीपूर्तीको माग राख्दै यूएस बंगला एयरलाइन्सका विरुद्ध जिल्ला अदालत काठमाडौंमा मुद्दा दर्ता गरेका थिए । जसअनुसार गत कात्तिक २० गते पहिलो पेशी थियो । तर विपक्षीका अधिवक्ता प्रधानले ७ जनाको मुद्दामध्ये श्रेया झाको बाहेक अन्य ६ जनाको मुद्दा अदालतले खारेज गर्ने भन्दै पत्राचार गरेका थिए । पत्रमा प्रधानले पीडितलाई कोर्ट फिका रुपमा ३० लाख रुपैयाँ बुझाउनुपर्ने भएकाले यसले पीडितलाई अझ बढी असर गर्ने भन्दै बिचार पुर्याएर मात्रै काम गर्न सुझाव दिएका थिए ।

पीडितका तर्फबाट मुद्दा दायर गर्ने अधिवक्ता अमृत खरेलले विपक्षीका अधिवक्ता प्रधानले मुद्दामा सुनुवाई नहुँदै ५ दिन अगावै मुद्दा खारेज हुँदैछ भन्दै पत्र लेख्नु स्वतन्त्र न्यायापालिकालाई प्रभावमा पार्न खोजेको बताएका छन् । अधिवक्ता प्रधानले धम्कीपूर्ण पत्र लेखेपछि पीडितहरुले मुद्दालाई कात्तिक २० गते स्थगित गर्न अदालतमा निवदेन दिएका थिए । उनका अनुसार यो स्वतन्त्र न्यायापालिकालाई प्रभावमा पार्ने काम भयो, प्राकृतिक न्यायको सिद्दान्त विपरीत भएको छ ।

खरेलले विपक्षी अधिवक्ता प्रधानले पत्र लेख्नुलाई व्यवसायिक मर्यादा र कानूनी व्यवसायीको पेशागत आचारसंहिता विपरीत गम्भीर चलखेल भएको समेत आरोप लगाएका छन् । प्रधानले पत्रमार्फत मुद्दा अदालतमा वर्षौसम्म रहने दाबी गर्दै अदालत बाहिर आपसी समझदारीमा टुंगो लगाउन समेत सुझाव दिएका छन् । अन्यथा यूएस बंगला कानूनी प्रक्रियाका लागि लड्न तयारी अवस्थामा रहेको समेत उल्लेख छ ।

पीडित परिवारले उनीहरुले जीवनभर कमाउने आय, पढाई खर्चलगायतका सबै कुराको मूल्यांकन गरी मुम्बईस्थित ग्लोवल रिस्क कम्पनीले प्रति परिवार ३० करोड रुपैयाँ क्षतिपूर्ती निर्धारण गरेको थियो । उक्त कम्पनीको सोही क्षतिपूर्ती माग राख्दै पीडित परिवारले प्रति परिवार ३० करोड रुपैयाँ क्षतिपूर्ती पाउने गरी यूएस बंगलाविरुद्ध अदालतमा मुद्दा दायर गरेका थिए । पीडित परिवारले हालसम्म प्रति परिवार २० हजार डलर पाएका छन् भने यूएस बंगलाले पीडित परिवारलाई प्रति परिवार ५० हजार डलरसम्म क्षतिपूर्ती दिन सक्ने बताउँदै आएको मृ*तक एञ्जिला श्रेष्ठका बुबा विदुरमान श्रेष्ठले बताएका छन् ।

मुद्दा दर्ता गर्नेमा मृ*तक एञ्जिला श्रेष्ठका पिता विदुरमान श्रेष्ठ, आस्ना शाक्यका पिता राजभाइ शाक्य, प्रिन्सी धामीका पिता मनोज धामी, निगा महर्जनका पिता दीपक महर्जन, निली महर्जनका पिता राजकुमार महर्जन, सञ्जय महर्जनका पिता श्यामकुमार महर्जन र श्रेया झाका पिता लक्षमण महर्जन रहेका छन् ।

बंगलादेशमा एमबीबीएसको अध्ययन पूरा गरी स्वदेश फर्कने क्रममा भएको दु*र्घटनामा परी उनीहरुले ज्यान गुमाएका थिए । दु*र्घटना भएको मितिले २ वर्षभित्रमा अदालतमा मुद्दा दायर गर्ने हदम्याद रहन्छ । सोही अनुसार पीडितहरुले मुद्दा दर्ता गरेका थिए ।

Related Articles

Back to top button
Close