Health

मोटो शरीर घटाउने अचुक उपाय-पुदिनाको चिया

साताभरिको कामलाई बिश्राम लगाएर आराम गर्ने दिन आज शनिबार । तपाईंलाई आफ्नो मोटो शरीरले अलिअलि चिन्ता दिएको होला । तर थोरै सावधानी अपनाउनुभयो भने मोटोपनको समस्या चाँडै टाढा भाग्नेछ ।

त्यसका लागि तपाईंले केही दिन नियमित रुपमा दिनचर्या परिवर्तन गर्नुपर्छ । बिहान अबेरसम्म सुत्ने गर्नुभएको छ भने अलि चाँडो उठ्नुहोस । अनि पुदिनाको चियाबाट दिनको सुरुवात गर्नुहोस् ।

अचारको रूपमा धेरै जसो उपभोग गरिने पुदिनामा धेरै औषधीय गुणहरु समेत भएको हुन्छ । पेरिलिन, अल्कोहल र भिटामिन ’ए’ प्रसस्त मात्रामा पाइने हुदा पुदिनाले हाम्रो स्वास्थ्यमा धेरै जस्तो फाइदा गर्ने बुझिएको छ । पुदिनामा क्यान्सरसँग लड्ने क्षमता हुन्छ । यसले कोलोन, छाला र फोक्सोको क्यान्सर रोक्दछ । शरीरभित्र भएको ब्याक्टेरियाको वृद्धिलाइ रोकेर हाम्रो शरीरलाई धेरै रोग लग्नबाट पुदिनाले हामीलाई बचाउने गर्छ ।

पुदिनाको पातलाई पिसेर त्यसको लेप अनुहार तथा शरीरमा भएको घाउ, खटिरा, एलर्जी, दागहरुमा लगाउने गर्दा घाउ, खटिरा, दाग, धब्बा निको हुनुका साथै मुहार सफा र चम्किलो पनि हुन्छ । साथै यसको पात पिसेर टाउको दुखेको बेलामा निधारमा लगाएमा यसले सितलता प्रदान गरेर टाउको दुख्ने समस्याबाट पनि आराम पाइन्छ ।

निकै बाडुल्की लागेमा वा सास गनाउने समयसा भएमा पुदिनाको एक चम्चा रस एक गिलास मनतातो पानीमा मिसाएर पिउने गर्दा यस्तो समस्या हटाएर जान्छ ।

ज्वरो तथा रुघाखोकी लागेको बेला पुदिनाको पातलाई पानीमा उमालेर यसको रसको सेवन गर्दा फोक्सोमा जम्मा भएको कफ बाहिर निकालेर ज्वरो तथा रुघा समेत ठीक भएर जान्छ । पुदिनाले खाना पचाउन पनि मद्दत गर्छ ।

पुदिनाको चिया पिउने गर्दा यसले हाम्रो मोटो शरीरलाई निकै फाइदा पुग्ने हुन्छ । पानीमा २ ठुलो वोटा पुदीनाको पात वा पुदिनको पातको धुलो हालेर १५ मिनेटसम्म उमाले पछि स्वाद अनुसार मह हाल्दा हाम्रो पुदिनाको चिया तयार हुन्छ । पुदिनाको चियाले शरीरलाई स्वस्थ्य राख्नुका साथै अनावश्यक तौल घटाउन पनि मद्दत गर्छ । पुदीनाको चियाले हाम्रो खानालाई छिट्टै पचाएर पेट सफा राख्छ ।

शरीरमा प्राकृतिक तरिकाले शरीरका मासंपेशी चल्ने भएकाले शरीरको बोसो पग्लेर तौल विस्तारै आफै कम हुदै जान्छ । साथै यसको तेज बास्नाले भोकमा नियन्त्रण गर्नुका साथै गुलियो खाने इच्छा कम गर्छ । पुदिनाको चियाले शरीरमा रहेको सुगरको मात्रालाई पनि सन्तुलनमा राख्नुका साथै हाम्रो रक्तचापलाई नियन्त्रणमा राखेर हामीलाई रोगहरुबाट टाढा राख्छ ।

Related Articles

Back to top button
Close