Video

कोरोनाभाइरस : दक्षिण कोरियामा निधन हुनेको सङ्ख्या ४२ पुग्यो, ४२ हजार नेपाली सुरक्षीत !

काठमाडौं, फागुन २३ । चीनबाट उत्पन्न भएको कोरोना भाइरस दक्षिण कोरियामा थप ५१८ जना नयाँ संक्रमित फेला परेसँगै देशमा कूल संक्रमितको सङ्ख्या ६ हजार २८४ जना पुगेको छ । दक्षिण कोरियामा हालसम्म ४२ जनाको मृत्यु भएको छ जसमा वृद्ध र पुरानो स्वास्थ्य समस्या रहेका छन् । हालसम्म दक्षिण कोरियामा नेपालीको अवस्था सामान्य रहेको कोरियामा रहेका पर्वतका राधाकृष्ण सुवेदीले ओएस नेपाललाई जानकारी दिए । सुवेदीका अनुसार सम्बन्धित कम्पनी बाहेक नेपालीहरु बाहिर निस्किएका छैनन् ।

हालसम्म कोरियामा ४२ हजार नेपाली रहेका छन् । कोरियामा रहेका कृष्ण भन्छन् भाइरस छिट्टै नियन्त्रणमा आउने संभावना भएका कारण उनी तत्कालै स्वदेश फर्किन आवश्यक देख्दैनन् । नेपालमा रहेका आफन्तलाई आँफुहरु सुरक्षीत रहेको कारण नआत्तिन पनि कृष्णले अनुरोध गरेका छन् ।

त्यस्तै अमेरिकामा निधन हुनेको संख्या १२ पुगेको छ । जसमध्ये ११ जना वासिङ्टन राज्यका रहेको बिबिसीले जनाएको छ । सिएन एनका अनुसार उक्त राज्यमा देखिएको संक्रमणका अधिकांश बिरामी सियाटलको किर्कल्याण्डमा रहेको एउटा नर्सिङ सेन्टरसँग सम्बन्धित रहेका छन् । उता टेक्सासमा १४ संक्रमित फेला परेका छन् । जसका कारण यो रोगको संक्रमण हुने ब्यक्तिको संख्या भने १ सय २९ पुगेको छ । त्यस्तै क्यालिफोर्नियाले क्रुज जहाजमा यो रोगको संक्रमण फैलीएपछि सरकारलाई ब्यस्थापन गर्न ठूलो चुनौती देखा परेको छ ।

Related Articles

Back to top button
Close